నటిని పెళ్ళాడనున్న యువ దర్శకుడు

0

Atlee Kumarఅదేంటో కానీ, మొన్నటి దాకా హీరోలు-హీరోయిన్లు ప్రేమలో పడటం – పెళ్లి చేసుకోవడం చాలా సాధారణంగా జరిగేది. ఇప్పుడు ట్రెండ్ మారిపొయినట్టుంది . ఎందుకంటే, ఇటీవల హీరోయిన్లు – నటీమణులు దర్శకులని పెళ్లి చేసుకోవడం అనే ట్రెండ్ బలపడుతోంది. మొన్నటికి మొన్న అందాల ముద్దుగుమ్మ అమలా పాల్ దర్శకుడు ఎ.ఎల్ విజయ్ ని ప్రేమించి పెళ్లి చేసుకున్న సంగతి తెలిసిందే. ఇప్పుడు అదే కోవలోకి మరో తమిళ జంట చేరింది. యువ దర్శకుడు అట్లి బుల్లితెర నటి ప్రియతో ఏడడుగులు వెయ్యడానికి సిద్ధమయ్యారు. వీరి వివాహ నిశ్చితార్థం ఆదివారం రాత్రి చెన్నైలో జరిగింది. రాజారాణి చిత్రం ద్వారా దర్శకుడిగా పరిచయం అయిన అట్లి స్టార్ దర్శకుడు శంకర్ శిష్యుడు. ఆర్య, నయనతార, జయ్, నజ్రియా నజీమ్ నటించిన “రాజారాణి “చిత్రం మంచి విజయాన్ని సాధించిందన్న విషయం తెలిసిందే. కాగా బుల్లి తెర నటి ప్రియతో అట్లి ప్రేమలో పడ్డారు. ప్రియా కణాకానుంకాలంగళ్ అనే మెగా సీరియల్‌లో నటించారు. సింగం చిత్రంలో నటి అనుష్కకు చెల్లెలిగా నటించారు. అట్లి-ప్రియల ప్రేమకు ఇరు కుటుంబ సభ్యులు గ్రీన్ సిగ్నల్ ఇవ్వడంతో వీరి వివాహ నిశ్చితార్థం ఆదివారం నగరంలోని ఒక నక్షత్ర హోటల్లో జరిగింది. ఈ కార్యక్రమానికి నటుడు ఆర్య, నటి నయనతార ప్రత్యేకంగా విచ్చేసి శుభాకాంక్షలు అందించారు. ఈ సందర్భంగా దర్శకుడు అట్లి మాట్లాడుతూ ప్రియ తన జీవితంలోకి రాణిగా వస్తున్నారని సంతోషంగా అన్నారు. ఎనిమిది సంవత్సరాలుగా ప్రియ తనకు తెలుసని వివరించారు. పరిచయమైన తొలినాళ్లలో స్నేహితులుగానే మెలిగామని ఆ తరువాత ప్రేమికులయ్యామని తెలిపారు. తమ వివాహ నిశ్చితార్థానికి అత్యంత సన్నిహితులు, బంధుమిత్రులు మాత్రమే హాజరయ్యారని చెప్పారు. తమ వివాహం నవంబర్ లో జరుగుతుందని అట్లి వెల్లడించారు. వీరి స్ఫూర్తితో మరెందరు తారామణులు దర్శకులని పెళ్ళాడాతారో వేచి చూడాలి. పెళ్లి కానీ యువ తమిళ దర్శకులాందరూ ఎందుకైనా మంచిది, సిద్ధంగా ఉంటే సరి … ఏమంటారు?

Share.

Leave a Reply

Be the First to Comment!

Notify of
avatar
wpDiscuz
Social Media Auto Publish Powered By : XYZScripts.com

x

Posts for You!

మార్చిలో భ‌ర‌త్ టీజ‌ర్
సూపర్ స్టార్ మహేష్ బాబు , కొర‌టాల శివ కాంబినేష‌న్ లో తెర‌కెక్కుతోన్న ‘భరత్ అనే నేను’ ఏప్రిల్ 20న విడుద‌ల‌కు ముహూర్తం కుదిర్చిన సంగ‌తి తెలిసిందే. ...
భార‌తీయుడు సీక్వెల్ లో సింగం
విశ్వ‌న‌టుడు కమల్‌హాసన్ ఎన్నిక‌ల బ‌రిలోకి దిగ‌డంతో క‌మిట్ అయిన సినిమాలను త్వ‌రిగ‌తిన పూర్తిచేసే పనిలో పడ్డారు. ‘విశ్వరూపం 2’ సినిమా చివరి దశ పనుల...
హాట్ స‌మ్మ‌ర్ లో సెగ‌లు పెంచే సినిమాలు
2018 వేస‌విని మ‌రింత హీటెక్కించ‌డానికి టాలీవుడ్ స్టార్ హీరోలు రెడీ అయిపోతున్నారు. వ‌రుసుగా టాప్ స్టార్లంద‌రూ ఒక‌రి త‌ర్వాత ఒకరి బ‌రిలోకి దిగిపోతు...
powered by RelatedPosts