విడుదలకు ముందే 200కోట్లు?

0

SHARUK-LRGహిందీ చిత్రసీమలో అగ్రహీరోల చిత్రాలన్నీ 200కోట్ల కలెక్షన్ల మైలురాయిని నిర్ధేశించుకుని నిర్మాణం జరుపుకుంటున్నాయి. ప్రేక్షకుల్ని ఆకట్టుకోవడానికి సదరు చిత్రాల ప్రచారాల్ని వినూత్న రీతుల్లో నిర్వహిస్తున్నారు. బాలీవుడ్ అగ్ర కథానాయకుడు షారూఖ్‌ఖాన్ తన తాజా చిత్రం హ్యాపీ న్యూఇయర్ కోసం మునుపెన్నడూలేని విధంగా సరికొత్త ప్రచారానికి శ్రీకారం చుట్టబోతున్నారు. సినిమా విడుదలకు ముందే 200కోట్లను ఆర్జించే సరికొత్త పథకాన్ని సిద్ధం చేశారాయన. స్వీయనిర్మాణంలో హ్యాపీ న్యూఇయర్ చిత్రాన్ని తెరకెక్కిస్తుండటంతో బిజినెస్‌పై ప్రత్యేక శ్రద్ధ పెడుతున్నారు షారూఖ్. అందులోభాగంగా సినిమా విడుదలకు మూడునెలలు ముందుగానే చిత్రబందంతో ప్రపంచవ్యాప్తంగా ఎంపికచేసిన నగరాలలో భారీ ప్రదర్శనలివ్వబోతున్నారు.

ఈ కార్యక్రమాల ప్రసార హక్కుల కోసం అంతర్జాతీయ స్థాయిలో పేరొందిన వ్యాపార సంస్థలు భారీ మొత్తాల్ని ఇవ్వడానికి సిద్ధపడుతున్నాయట. దీంతో సినిమా విడుదలకు ముందే 200కోట్ల లాభాన్ని పొందవచ్చని షారూఖ్ ఆలోచిస్తున్నాడని చిత్ర బందం వెల్లడించింది. ఈ ప్రదర్శనల ద్వారా వచ్చే ఆదాయంలో నటీనటులకు కూడా వాటా వుంటుందని నిర్ణయించడంతో వారందరూ నెలరోజులు డేట్స్ కేటాయించారని తెలిసింది. ఫరాఖాన్ దర్శకత్వం వహిస్తున్న ఈ చిత్రంలో దీపికాపదుకునే, అభిషేక్‌బచ్చన్, సోనూసూద్ ముఖ్యపాత్రల్ని పోషిస్తున్నారు. దీపావళి కానుకగా అక్టోబర్‌లో ఈ చిత్రం ప్రేక్షకులముందుకురానుంది.

Share.

Leave a Reply

Be the First to Comment!

Notify of
avatar
wpDiscuz
Social Media Auto Publish Powered By : XYZScripts.com

x

Posts for You!

`ప్రేమెంత ప‌ని చేసే నారాయ‌ణ‌` పాట‌ల‌ను ప్ర‌శంసించిన సినీ -రాజ‌కీయ ప్రముఖులు!!
జె.ఎస్‌. ఆర్‌. మూవీస్ ప‌తాకంపై శ్రీమ‌తి భాగ్య‌ల‌క్ష్మి స‌మ‌ర్ప‌ణలో హ‌రికృష్ణ జొన్న‌ల‌గ‌డ్డ , అక్షిత హీరో హీరోయిన్లుగా జొన్న‌ల‌గ‌డ్డ‌శ్రీనివాస...
శ్రవణ్ హీరో గా నూతన చిత్రం ప్రారంభం
శ్రీ భాగ్యలక్ష్మీ ఎంటర్టైన్మెంట్స్ బ్యానర్ లో శ్రవణ్, లియోనా ఈశాయ్ హీరోహీరోయిన్లుగా బాలమురుగన్ దర్శకత్వంలో బోగారి లక్ష్మీనారాయణ నిర్మిస్తున్న...
తెలంగాణా ఉద్యమ నేపథ్యంలో వస్తోన్న ‘ఉద్యమ సింహం’ షూటింగ్‌ ప్రారంభం!!
 ప్రత్యేక తెలంగాణా రాష్ట్రం కోసం కేసీఆర్‌ చేసిన ఉద్యమ నేపథ్యంలో రూపొందుతున్న చిత్రం ‘ఉద్యమ సింహం’. పద్మనాయక ప్రొడక్షన్స్‌ పతాకంపై కే...
powered by RelatedPosts