రీల్ లైఫ్‌లో నెరవేరింది!

0

kritisanonవన్ చిత్రం ద్వారా కథానాయికగా అరంగేట్రం చేసింది ఢిల్లీ భామ కృతిసనన్. తొలి చిత్రంతోనే మహేష్‌బాబు లాంటి అగ్రకథానాయకుడి సరసన నటించే అదృష్టాన్ని దక్కించుకుంది. ఈ సినిమాతో తెలుగుప్రేక్షకుల్ని మెప్పించిన ఆమె ఇటీవలే హీరోఫంటి చిత్రంతో బాలీవుడ్‌లోకి అడుగుపెట్టింది. పరుగు రీమేక్‌గా తెరకెక్కిన ఈ చిత్రం ద్వారా హిందీలో తొలి విజయాన్ని అందుకున్న ఈ సుందరికి తెలుగు, హిందీ భాషల్లో చక్కటి అవకాశాలు లభిస్తున్నాయి. ప్రస్తుతం బాలీవుడ్‌లో అక్షయ్‌కుమార్ సరసన సింగ్ ఈజ్ బ్లింగ్ చిత్రంలో కథానాయికగా నటిస్తోంది. ప్రభుదేవా దర్శకత్వంలో యాక్షన్ ఎంటర్‌టైనర్‌గా తెరకెక్కుతున్న ఈ చిత్రంలో కథానుగుణంగా ఆమె డ్యాన్సర్‌గా కనిపించనుంది. ఈ పాత్రకోసం ఆమె కొద్దిరోజులుగా సల్సా లాంటి విదేశీ నృత్యాలతో పాటు కూచిపూడి, కథక్ వంటి భారతీయ సంప్రదాయ నృత్యాల్ని నేర్చుకొనే పనిలో వుంది.

ఆమె మాట్లాడుతూ చిన్నతనం నుంచి డ్యాన్సర్‌గా రాణించాలనేది నా కల. స్కూల్‌రోజుల్లో నృత్య పోటీల్లో అనేకసార్లు బహుమతుల్ని గెలుచుకున్నాను. కానీ నా తల్లిదండ్రులు నన్ను ఇంజనీర్‌గా చూడాలని సంకల్పించడంతో నృత్యకారిణిగా రాణించాలనే కోరిక అలాగే వుండిపోయింది. నిజజీవితంలో నెరవేరకుండా పోయిన ఆ కోరిక సింగ్ ఈజ్ బ్లింగ్ చిత్రంతో రీల్ లైఫ్‌లో సాకారం కావడం ఆనందంగా వుంది అని తెలిపింది. ప్రస్తుతం తెలుగులో సుధీర్‌వర్మ దర్శకత్వంలో నాగచైతన్య కథానాయకుడిగా రూపొందుతున్న చిత్రంలోనూ హీరోయిన్‌గా నటిస్తోంది కృతిసనన్.

Share.

Leave a Reply

Be the First to Comment!

Notify of
avatar
wpDiscuz
Social Media Auto Publish Powered By : XYZScripts.com

x

Posts for You!

సాహో కోసం మ‌రో బాలీవుడ్ స్టార్
ప్ర‌భాస్ క‌థానాయ‌కుడిగా న‌టిస్తోన్న `సాహో` కోసం చిత్ర ద‌ర్శ‌కుడు సుజీత్ ఏకంగా బాలీవుడ్ తారాతోర‌ణాన్ని రంగంలో కి దించేస్తున్నాడు. ఇప్ప‌టికే హీరో...
స్పైడ‌ర్ ఈవెంట్ కు రోబో కాబింనేష‌న్!
మ‌హేష్ క‌థానాయకుడిగా ఏ.ఆర్‌.మురుగ‌దాస్ ద‌ర్శ‌క‌త్వంలో తెర‌కెక్కిన `స్పైడ‌ర్‌` తెలుగు, త‌మిళంలో ప్ర‌తిష్ఠాత్మ‌కంగా రిలీజ‌వుతున్న సంగతి తెలిసిందే...
పైసా వ‌సూల్ సాంగ్ టీజ‌ర్
`కన్ను కన్ను కలిశాయి.. ఎన్నో ఎన్నో తెలిశాయి` అంటూ సాగే వీడియో సాంగ్ ను విడుదల చేసింది పైసా వసూల్ చిత్రబృందం. నందమూరి బాలకృష్ణ, శ్రియ మధ్య సాగుత...
powered by RelatedPosts