కొత్త సినిమా కష్టాలు

0

sonam-kapoorబాలీవుడ్ భామ సోనమ్ కపూర్‌కు సినిమా కష్టాలు మొదలయ్యాయి. త్వరలో ప్రారంభంకానున్న ఓ కొత్త చిత్రంకోసం ఆమె బాగానే శ్రమిస్తోంది. ఈ సినిమాకు తగ్గట్లుగా తన శరీరాకతిని మార్చుకునే పనిలో వున్న ఆమె రోజులో ఎక్కువ సమయాన్ని వ్యాయామాలు పేరిట జిమ్‌లోనే గడపుతున్నట్లు సమాచారం. అంతేకాకుండా తనకు ఎంతో ఇష్టమైన ఆహారపదార్థాలకు పూర్తిగా దూరంగా వుంటున్నట్లు తెలిసింది. వివరాల్లోకి వెళితే…సల్మాన్ ఖాన్ కథానాయకుడిగా సురాజ్ బర్జాత్యా దర్శకత్వంలో తెరకెక్కనున్న చిత్రం ప్రేమ్ రతన్ ధన్ పాయే. ఈ చిత్రంలో సోనమ్‌కపూర్ కథానాయికగా ఎంపికైన విషయం తెలిసిందే. ఈ సినిమా ద్వారా సల్మాన్ ఖాన్ వంటి అగ్రకథానాయకుడితో తొలిసారి జోడీ కట్టిన ఈ సుందరి ఈ సినిమాపై భారీ ఆశలనే పెట్టుకుంది. కొంతకాలంగా బాక్సాఫీస్ దగ్గర వరుస వైఫల్యాలను ఎదుర్కొంటూ వస్తోన్న ఆమె ఈ సినిమాతో విజయాల బాట పట్టాలనే కోరికతో వుంది.

ఈ సినిమా కోసం తన బరువును దాదాపుగా ఎనిమిది కిలోల మేర తగ్గించుకోవాలనే ఆలోచనలో వున్న సోనమ్ ఇందుకోసం ప్రత్యేక శిక్షణ తీసుకుంటున్నట్లు తెలిసింది. కొంతకాలంగా కఠిన వ్యాయామాలతో జిమ్‌లోనే ఎక్కువ సమయాన్ని గడుపుతున్నట్లు తెలిసింది. ఆహారం విషయంలో కఠిన నియమాలు పాటిస్తోన్న ఆమె తనకు చాలా ఇష్టమైన చాకోలెట్స్‌కు దూరంగా వుంటోందట. జీవితంలో ఒకటి కావాలంటే మరొకదాన్ని వదులుకోవాలి. మనసుకు నచ్చిన కథ కాబట్టి కష్టాల్ని ఎదుర్కోవాలి. సల్మాన్‌తో నటిస్తున్న ఈ చిత్రం నా కెరీర్‌లో ప్రత్యేకంగా నిలుస్తుంది అని చెప్పింది సోనమ్.

Share.

Leave a Reply

Be the First to Comment!

Notify of
avatar
wpDiscuz
Social Media Auto Publish Powered By : XYZScripts.com

x

Posts for You!

`ప్రేమెంత ప‌ని చేసే నారాయ‌ణ‌` పాట‌ల‌ను ప్ర‌శంసించిన సినీ -రాజ‌కీయ ప్రముఖులు!!
జె.ఎస్‌. ఆర్‌. మూవీస్ ప‌తాకంపై శ్రీమ‌తి భాగ్య‌ల‌క్ష్మి స‌మ‌ర్ప‌ణలో హ‌రికృష్ణ జొన్న‌ల‌గ‌డ్డ , అక్షిత హీరో హీరోయిన్లుగా జొన్న‌ల‌గ‌డ్డ‌శ్రీనివాస...
శ్రవణ్ హీరో గా నూతన చిత్రం ప్రారంభం
శ్రీ భాగ్యలక్ష్మీ ఎంటర్టైన్మెంట్స్ బ్యానర్ లో శ్రవణ్, లియోనా ఈశాయ్ హీరోహీరోయిన్లుగా బాలమురుగన్ దర్శకత్వంలో బోగారి లక్ష్మీనారాయణ నిర్మిస్తున్న...
తెలంగాణా ఉద్యమ నేపథ్యంలో వస్తోన్న ‘ఉద్యమ సింహం’ షూటింగ్‌ ప్రారంభం!!
 ప్రత్యేక తెలంగాణా రాష్ట్రం కోసం కేసీఆర్‌ చేసిన ఉద్యమ నేపథ్యంలో రూపొందుతున్న చిత్రం ‘ఉద్యమ సింహం’. పద్మనాయక ప్రొడక్షన్స్‌ పతాకంపై కే...
powered by RelatedPosts